Noriichten

De Sonndeg, 26. Mee 2019, fannen d'Europawalen zu Lëtzebuerg statt. Den Zentrale Regierungsbüro ("Bureau centralisateur gouvernemental", BCG), deen bei all Chamber-, Europa-, a Gemengewalen opgestallt gëtt, huet als Missioun, déi offiziéis Resultater vun deene Wale festzestellen an ze diffuséieren.

Wieler, déi zu Lëtzebuerg wunnen a per Bréifwal un den Europawalen deelhuelen, mussen, fir sécher ze goen dass hire Stëmmziedel rechtzäiteg ukënnt, dëse per Post bis spéitstens de Freideg, 24. Mee 2019, virun der leschter Levée vun der Bréifboîte ofschécken.

All d'Wieler, déi an de Wielerlëschte stinn, si fir d'Bréifwal bei den Europawale vum 26. Mee 2019 zougelooss.

Den 28. Mäerz huet de President vum Haaptwalbüro duerch Verlousung d'Lëschtennummere vun de politesche Parteie bestëmmt, déi de 26. Mee 2019 un de Walen deelhuelen.