Um 8. Februar huet d'Chamber am 1. Tour d'Fusiounen vun de Gemengen Grosbus-Wal an de Gemengen Bous-Waldbredimus gestëmmt. Dëse Vott reduzéiert d'Unzuel vun de Gemengen zu Lëtzebuerg op 100.
Déi 2 Fusiounen déi ab dem 1. September 2023 rechtskräfteg sinn sinn:
- D'Gemenge vu Grosbous a vu Wal fusionéieren als nei Gemeng, déi sech "Grosbus-Wal" nennt.
- D'Gemenge vu Bous a vu Wadbredimus fusionéieren als nei Gemeng, déi sech "Bous-Waldbredimus" nennt.
Desweideren war den 1. Januar 2018, Datum vum Akraafttriede vun den dräi leschte Fusiounsgesetzer, d'Zuel vun de Lëtzebuerger Gemenge vun 105 op 102 erofgaangen.
Esou gëtt d'Gesetz vum 16. Juni 2017, an deem et ëm d'Gemengefusioun geet, am Memorial publizéiert.
- D'Gemenge vu Mompech a vu Rouspert fusionéieren als nei Gemeng, déi sech "Rouspert-Mompech" nennt.
Am Memorial ginn zousätzlech zwee Gesetzer vum 15. Abrëll 2016 publizéiert, bei deenen et ëm d'Gemengefusioun geet:
- D'Gemengen Habscht a Simmer fusionéieren als nei Gemeng, déi sech "Habscht" nennt.
- D'Gemenge Béiwen-Atert an Tënten fusionéieren als nei Gemeng, déi sech "Helperknapp" nennt.
Ausserdeem gëtt d'Gesetz vum 19. Dezember 2014 am Memorial publizéiert, an deem et ëm d'Gemengefusioun geet:
- D'Gemengen Eschweiler a Wolz fusionéieren, fir déi nei Gemeng "Wolz" ze ginn.
Desweidere gi sechs Gesetzer vum 24. Mee 2011 am Memorial publizéiert, an deenen et ëm d'Gemengefusioun geet:
- d'Gemengen Esch-Sauer, Heischent an Néngsen fusionéieren, fir déi nei Gemeng "Esch-Sauer" ze ginn,
- déi vun Iermsdref a Miedernach fusionéieren, fir d'"Ärenzdallgemeng" ze ginn,
- Biermereng, Schengen a Wellesteen ginn déi nei Gemeng "Schengen",
- Konstem, Habscht an Housen ginn d'Gemeng "Park Housen",
- aus Nidderkäerjeng a Kënzeg gëtt "Käerjeng" an
- aus de Gemenge Klierf, Hengescht a Munzen gëtt déi nei Gemeng "Klierf".
D'Grafiken, déi Vergläicher virschloen (virun allem, ouni awer exhaustiv ze sinn, Walbezierker, Parteien, Homepagen...), baséieren op den inoffizielle Resultater, déi op dësem Site während de Wale matgedeelt goufen. Fir dës Vergläicher kënnen ze maachen, hu mir also d'Stëmme vun de Gemenge virun der Fusioun zesummegezielt.