Rechtlech Aspekter

Allgemeng Notzkonditiounen (CGU) fir de Site

Dem Benotzer seng Flichten

Gestioun vun de Cookien

Ännerung vum Site

Allgemeng Verantwortungsaschränkungen

Verantwortungsaschränkung vum Site

Linken op extern Sitten

Intellektuelle Besëtz

Ännerung vun den allgemengen Notzkonditiounen

Uwendbart Recht a kompetent Geriichtsbarkeet

Schutz vun de perséinlechen Donnéeën

Allgemenges

Kontaktformulaire vum Site

Verschaffe vun Date bei der Miessung vun Aschaltquoten

 

Allgemeng Notzungsbedéngunge (CGU) fir de Site

Jiddwereen, deen Informatiounen, Dokumenter, Produkter, Software a verschidde Servicer (zesummen d'"Servicer" genannt) benotzt, déi op dësem Site sinn, huet d'Gesamtheet vun de Begrëffer an den Hiweiser vun dësen allgemengen Notzungsbedéngunge zur Kenntnes geholl a stëmmt dësen zou.

Mat "Organ" gëtt d'ëffentlech Autoritéit, de Ministère, d'Administratioun oder all anert ëffentlecht Organ bezeechent, dat eleng oder zesumme mat anere verantwortlech ass fir dëse Site.

Dem Benotzer seng Flichten

Den Zougang zum Site kritt een iwwer Internet. De Benotzer erkläert, dass hien déi domat verbonne Risike kennt an se acceptéiert. Hie muss sech virun Internetpiraterie schützen, andeems hien eng gëeegent a sécher Computerkonfiguratioun wielt.

De Lëtzebuerger Staat kann net responsabel gemaach gi fir e Schued, deen de Benotzer op dësem Site kéint kréien, sief dat direkt oder indirekt a Verbindung mat senger Navigatioun um Site an dem Benotze vun de Servicer, sou wéi a Verbindung mat den Internetsiten, op déi um Site verwise gëtt.

D'Benotze vum Site ass gratis.

Verwaltung vun de Cookien

Dëse Site benotzt Clientscookien, kleng Textfichieren, déi et erlaben, Informatiounen zum Benotzer sengem Surfen um Site ze analyséieren (Heefegkeet vun de Visiten, Dauer vun de Visiten, ofgeruffe Säiten, etc.).

Si gi vum Site an engem Repertoire ofgeluecht, deen et zu dësem Zweck um Benotzer sengem Computer gëtt. Dran opgelëscht si virun allem den Numm vum Server, en Identifiant a Form vun enger eemoleger Nummer an en Oflafdatum. Den eemolegen Identifiant erlaabt et dem Site, de Computer vum Benotzer bei all Visite erëmzëerkennen. D'Cookië vun enger Sessioun gi vum Benotzer sengem Computer geläscht, esoubal d'Sessioun eriwwer ass. Allerdéngs bleiwen déi persistent Cookien um Benotzer sengem Computer bis 1 Mount nom Enn vun der Sessioun erhalen.

De Benotzer ka selwer decidéieren, ob en dem Server vun dësem Site d'Erlaabnes gëtt, fir Cookien op sengem Computer ze späicheren oder net. Hien huet zu all Moment d'Wiel, fir d'Optiounen a sengem Browser esou anzestellen, datt d'Cookië weder akzeptéiert nach gespäichert ginn. Ausserdeem kann en zu all Moment, iwwer de Browser, Cookië läschen, déi scho gespäichert sinn (kuckt d’Charte vun de Cookien).

D'Benotze vu verschiddene Funktionalitéite vum Site kann ageschränkt oder desaktivéiert ginn, wann de Benotzer d'Cookië vum Site refuséiert. Dem Benotzer gëtt geroden, säi Browser esou anzestellen, datt d'Cookië vum Site akzeptéiert ginn.

Ännerung vum Site

De Lëtzebuerger Staat behält sech d'Fräiheet vir, dëse Site, ouni Ukënnegung am Viraus, weiderzëentwéckelen, ze änneren oder ze spären, dëst aus Grënn wéi Maintenance, Update oder wéinst all anerem Motiv, dat néideg ass.

Et ass wichteg ervirzesträichen, datt de Lëtzebuerger Staat zu all Moment all Informatiounen oder en Deel dovun, déi op deem Site gewise ginn, gradesou wéi Servicer, déi ugebuede ginn, zeréckzéien, bäisetzen, vervollstännegen oder méi präzis duerstelle kann. De Lëtzebuerger Staat ka fir keen direkten oder indirekte Schued am Zesummenhang mat esou Ännerunge responsabel gemaach ginn.

Allgemeng Responsabilitéitsaschränkungen

De Lëtzebuerger Staat mécht säi Bescht, fir eng gréisstméiglech Verfügbarkeet vun dësem Site oprechtzëerhalen. Allerdéngs kéint de Staat net responsabel gemaach ginn, wann de Site fir eng Zäit oder ganz géif ausfalen.

De Lëtzebuerger Staat suergt fir déi beschtméiglech Sécherheet vum Computersystem. Allerdéngs kéint de Staat am Fall vun Attacken op de Computersystem oder am Fall vun zäitweilegem oder ganzem Ausfall vum Site net responsabel gemaach ginn.

De Lëtzebuerger Staat suergt dofir, datt d'Daten op dësem Site, déi an de sozialen Netzwierker verëffentlecht ginn, esou exakt wéi méiglech sinn. Am Fall wou en Update vun enger Informatioun oder engem Formulaire net gemaach gouf, am Fall wou et Feeler am Ëmgang mam System oder mat der Verschlësselung gëtt, Ongenauegkeeten oder Lacunnen an de gewisenen Informatiounen oder eventuell Iertemer, kéint de Staat awer net responsabel gemaach ginn. Effektiv ass d'Zil, fir richteg an aktuell Informatiounen aus verschiddene Quellen ze verbreeden, mee de Lëtzebuerger Staat kéint awer net all Risiko fir en inhaltleche Feeler vermeiden. Keng vun den Informatiounen, déi op dësem Site verëffentlecht ginn, gëtt sech den Usproch, vollstänneg ze sinn, oder stellt en Engagement vum Lëtzebuerger Staat duer. D'Verbreedung an d'Iwwersetzungen dovun dénge just fir Informatiounszwecker. Verbindlech si just d'Gesetzestexter, déi am Memorial (Journal Officiel du Grand-Duché de Luxembourg) verëffentlecht ginn. D'Informatiounen op dësem Site hunn en allgemenge Charakter. D'Informatioune si kenge perséinlechen oder spezifeschen Ëmstänn ugepasst a kënnen deemno net als perséinlech, berufflech oder juristesch Rotschléi fir de Benotzer ugesi ginn. Wann de Benotzer perséinlech oder spezifesch Rotschléi brauch, muss en ëmmer déi kompetent Servicer vun de verschiddenen Administratiounen zu Rot zéien.

Responsabilitéitsaschränkungen vum Site

Dëse Site ass ausdrécklech net responsabel fir all direkt an indirekt Konsequenzen ewéi:

  • E Kompatibilitéitsfeeler tëschent dem offréierte Service an den Equipementer, den Applikatiounen, de Prozeduren oder Infrastrukture vum User oder vun Drëttpersounen;
  • Eng Sécherheetsschwaachstell, déi vum User oder enger Drëttpersoun kënnt an, méi allgemeng, all Sécherheetsschwaachstell, déi net direkt dësem Site kann zougeschriwwe ginn;
  • Konsequenze vu Feeler an/oder Bedruch, begaange vum User oder enger Drëttpersoun;
  • En eventuelle Mangel u Verfügbarkeet oder e schlechte Fonctionnement vun de Systemer oder vun den elektronesche Kommunikatiounsnetzwierker.

Linken op extern Siten

Am Sënn vum Benotzer sinn op dësem Site Linken op aner Siten ze fannen, déi nëtzlech kéinte fir e sinn oder e kéinten interesséieren. De Lëtzebuerger Staat a besonnesch dat verantwortlecht Organ kontrolléieren net systematesch den Inhalt vun dëse Siten. Deemno kéinten se net responsabel fir d'Inhalter vun dësen Internetsite gemaach ginn, sief et um Niveau vun hirer Legalitéit oder der Richtegkeet vun den Informatiounen, déi een do fënnt.

Geeschtegt Eegentum

De Site, all seng Elementer (dorënner och de Layout) an och d'Informatiounen an d'Servicer sinn iwwer d'Gesetzer zum intellektuelle Besëtz an zu den Auteursrechter geschützt.

Souwäit net anescht uginn, accordéiert de Lëtzebuerger Staat keng Lizenz oder Geneemegung a Bezuch op geeschteg Eegentumsrechter, déi hien op dëst Portal, seng Komponenten oder Servicer huet.

Textdokumenter

Souwäit net anescht uginn, ass de Benotzer autoriséiert, ouni prealabel Ufro, all d'Textdokumenter ze consultéieren, erofzelueden oder ze drécken.

Aner Inhalter

Souwäit net anescht uginn, ass d'Reproduktioun vun aneren Inhalter (Fotoen, Videoen, Audiofichieren, digital Animatiounen, Grafiken, asw.) ënner Angab vun der Quell autoriséiert.

Dës Inhalter däerfen op kee Fall fir Sue verkaaft oder verlount ginn.

All vollstänneg oder partiell Ännerung, Transformatioun oder Upassung vun de genannten Inhalter ass verbueden.

D'Benotzer, déi Inhalter vun dësem Site reproduzéieren, verflichte sech, dat am Respekt vun der Mënschewürd an der Persoun ze maachen.

Ausser mat ausdrécklecher Erlaabnis vum Editeur ass déi vollstänneg oder partiell Integratioun vum Portal gouvernement.lu an en anert Portal oder an eng Internetsäit verbueden.

D'Rechter, déi Iech uewen implizit oder explizit accordéiert goufen, stellen eng Benotzungsautorisatioun duer an op kee Fall en Oftriede vu Rechter, Proprietéit oder Anerem am Zesummenhang mat dësem SIte.

 Ännerung vun den Allgemengen Notzungsbedéngungen

Déi gülteg Allgemeng Notzungsbedéngungen kënnen zu all Moment an ouni Ukënnegung geännert oder vervollstännegt ginn, ofhängeg vun den Ännerungen, déi um Site gemaach ginn, vun der Entwécklung vun der Legislatioun oder aus all anerem Grond, deen als néideg gesi gëtt. Et ass um Benotzer, fir sech iwwer déi allgemeng Notzungsbedéngungen um Site ze informéieren an hie soll sech bewosst sinn, datt just déi aktuell online Versioun als déi gëllt, déi a Kraaft ass. Et ka sinn, datt vun enger Visite um Site zu enger nächster déi besonnesch allgemeng  Notzungsbedéngungen geännert hunn an et ass dann um Benotzer, fir déi lescht Ännerunge virun enger neier Visite um Site ze liesen.

Ze apllizéierend Gesetz a kompetent Geriichtsbarkeet

All Rechtssträit, dee mam Benotze vum Site a senge Servicer zesummenhänkt, ënnerläit dem Lëtzebuerger Recht a fält ënner d'exklusiv Kompetenz vun der Lëtzebuerger Geriichtsbarkeet.

Schutz vun de perséinlechen Donnéeën

Allgemenges

D'Donnéeë mat perséinlechem Charakter, déi de Benotzer matdeelt, gi konform zum "Règlement (UE) 2016/679 du Parlement européen et du Conseil du 27 avril 2016 relatif à la protection des personnes physiques à l'égard du traitement des données à caractère personnel et à la libre circulation des données" verschafft.

Well de Lëtzebuerger Staat ausser, aus Sécherheetsgrënn, den IP-Adressen aus de Server-Loggen, keng perséinlech Donnéeë sammelt, brauch de Benotzer seng Zoustëmmung net ze ginn, éier en op dëse Site geet.

De Verantwortleche fir dës Beaarbechtung ass dat verantwortlecht Organ fir dëse Site.

De Benotzer ka Reklamatiounen, déi mam Dateschutz zesummenhänken an hie betreffen, iwwer déi respektiv Kommunikatiounskanäl schécken, déi zur Verfügung stinn, an un de Verantwortlechen, deen an dësem Fall dat verantwortlecht Organ vum Site ass. De Benotzer kann ausserdeem seng Reklamatioun beim Delegéierte fir de Schutz vun den Donnéeë vum Organ iwwer d'Mailadress: dataprotection@sip.etat.lu areechen. De Benotzer kann sech doriwwer eraus fir all Rechtssträit an deem Beräich un d'national Kommissioun fir den Dateschutz wenden (Commission nationale pour la protection des données, 1, Avenue du Rock'n'Roll, L-4361 Esch-sur-Alzette).

Kontaktformulaire vum Site

D'Informatiounen, déi Iech betreffen, an déi iwwer de Kontaktformulaire vum Site gesammelt ginn, gi vum betreffenden Organ beaarbecht, fir Är Demande kënnen ofzewéckelen.

Andeems Dir de Formulaire ausfëllt, akzeptéiert Dir, datt Är perséinlech Donnéeën am Kader vun Ärer Demande verschafft ginn. Dës Informatioune ginn esoulaang vun der Administratioun gespäichert, bis d'Demarchë ronderëm Är Demande ofgeschloss sinn.

Well et vun der Demande ofhänkt, wéi laang déi matgedeelt Donnéeë versuergt ginn, deelt d'Organ op Ufro, Fall fir Fall, dës Dauer oder d'Kritären, fir d'Dauer festzeleeën, mat.

Zougrëff op Är Donnéeën huet d'Organ, dat fir Är Demande zoustänneg ass. Wann Dir wëllt wëssen, u wien d'Donnéeë vun dësem Formulaire weidergeleet ginn, da went Iech w.e.g. un d'Organ, dat sech mat Ärer Demande befaasst.

Esou wéi et am Reglement (EU) 2016/679 iwwer d'"protection des personnes physiques à l'égard du traitement des données à caractère personnel et à la libre circulation de ces données" steet, hutt Dir d'Recht, Är gespäichert Donnéeë kucken ze goen, se ze verbesseren oder a bestëmmte Fäll och läschen ze loossen. Ausserdeem hutt Dir d'Recht, Är Awëllegung zu all Moment ze widderruffen.

Mat engem begrënnte Motiv a virausgesat, datt d'Beaarbechte vun Ären Donnéeë keen obligatoresche Charakter huet, kënnt Dir donieft och Widdersproch aleeën.

Wann Dir vun dëse Rechter wëllt Gebrauch maachen an/oder méi wëllt iwwer d'Verschaffe vun Ären Donnéeë gewuer ginn, dann adresséiert Iech w.e.g. un dat betreffend Organ, deem seng Kontaktdaten Dir um Formulaire fannt. Doriwwer eraus kënnt Dir och eng Reklamatioun bei der nationaler Kommissioun fir den Dateschutz areechen (Commission nationale pour la protection des données, 1, Avenue du Rock'n'Roll, L-4361 Esch-sur-Alzette).

Beaarbechtung vun Date bei der Miessung vun Aschaltquoten

Gewëssen Donnéeën iwwer d' Material an d'Software vum Benotzer, mat deenen een hien net identifizéiert kritt, gi während senger Visite um ëffentleche Site gesammelt. Dës Sammlung huet als eenzegen Zweck, fir eng Heefegkeetsstatistik kënnen opzestellen (Browser-Typ, Opléisung, ongeféier Lokalisatioun, asw.), fir de Benotzer nach besser kënnen ze déngen.

Déi komplett IP-Adress vum Benotzer gëtt a kengem Fall versuergt. Well nëmmen en Deel vu der IP-Adress fir global Statistike versuergt gëtt, ass et a kengem Fall méiglech, fir de Benotzer ze identifizéieren.

Dës Donnéeë ginn an Europa, vun engem Zouliwwerer, versuergt an ënnerbruecht, an dësem Fall d'Firma Adobe Systems Inc., deen deeneselwechte gesetzleche Flichten ënnerläit, wat de perséinlechen Dateschutz ubelaangt, an dëst fir de Fall, wou esou Donnéeën an Zukunft sollte gesammelt ginn.

D'Donnéeë ginn net méi laang versuergt, wéi et Zäit brauch, fir d'Entwécklung vun den Aschaltquoten ze beobachten, wat ofhängeg ass vun der Entwécklung vun de Browseren, vun de benotzten Opléisungen a vun anere verfügbare statisteschen Donnéeën.

De Verantwortleche fir dës Beaarbechtung ass dat verantwortlecht Organ fir dëse Site.

Open Data a geeschtegt Eegentum (Copyright)

Dëse Site, all seng Elementer (dorënner och de Layout) an och d'Informatiounen an d'Servicer, gi vum Lëtzebuerger Staat, souwäit net anescht uginn, ouni Restriktiounen an ënnert de Bedéngungen vum unviersellen Transfert an den ëffentlechen Domaine ("Public Domain") Creative Commons CC0 1.0 verëffentlecht. Wann Dir awer d'Donnéeë vum Site benotzt, da bied Iech de Lëtzebuerger Staat d'Richtlinne fir de Gebrauch vun Daten ze respektéieren.

CC0 This material is Open Data

Ännerung vun den Allgemengen Notzungsbedéngungen

Déi hei virleiend Allgemeng Notzungsbedéngungen kënnen zu all Moment an ouni Ukënnegung geännert oder vervollstännegt ginn, ofhängeg vun den Ännerungen, déi um Site gemaach ginn, vun der Entwécklung vun der Legislatioun oder aus all anerem Grond, deen als néideg gesi gëtt. Et ass um Benotzer, fir sech iwwer déi allgemeng Notzungsbedéngungen um Site ze informéieren an hie soll sech bewosst sinn, datt just déi aktuell online Versioun als déi gëllt, déi a Kraaft ass.

Richtlinn fir de Gebrauch vun Daten

Dës Richtlinne baséieren op dem gudde Wëllen. Et handelt sech net ëm e rechtleche Vetrag, mee de Lëtzebuerger Staat bied Iech se ze befollegen, wann Dir d'Donnéeë vun dësem Site notzt.

Zitéiert Är Quellen, wann et sech gehéiert.

Vergewësserrt Iech, datt anerer och iwwert d'Rechtslag vum Lëtzebuerger Staat a senge Richtlinne fir de Gebrauch vun den Daten informéiert sinn, andeems Dir Linken op den Transfert an den ëffentlechen Domaine Creative Commons Zero an ob d'Richtlinnen fir de Gebrauch ariicht an intakt haalt.

Wann Dir aus techneschen oder anere Grënn net all d'Linken zu alle Quellen, rechtlechen Hiweiser an d'Richtlinne fir de Gebrauch vun Daten direkt mat den Donnéeë verbanne kënnt, da sollt Dir iwwerleeën, se separat matzeliwweren, beispillsweis an engem separaten Dokument dat zesumme mat den Donnéeën oder Datesätz verdeelt gëtt.

Wann Dir aus techneschen oder anere Grënn net all d'Linken zu alle Quellen, rechtlechen Hiweiser an de Richtlinne fir de Gebrauch vun Daten asetze kënnt, da sollt Dir iwwerleeën nëmmen op d'Quell vun den Donnéeë op dem Site vum Lëtzebuerger Staat ze verlinken, wou all d'Quellen, rechtlech Informatiounen a Richtlinne fir de Gebrauch vun Daten och a maschinne-liesbarem Format ze fanne sinn.

Erwäänt all Är Modifikatioune vun den Donnéeën a verëffentlecht Är Modifikatiounen ënnert deene nämmlechte Konditiounen.

Verwent d'Donnéeën net op eng Aart a Weis, déi en offizielle Status oder eng Ënnerstëtzung oder Approbatioun vu Säite vum Lëtzebuerger Staat suggeréiere géif, et sief dann Dir hutt virdrun eng Autorisatioun vun de fir dëse Site zoustännege Ministèreren oder Administratioune kritt.

Passt drop op, anerer net irzeféieren oder en ongenaut Bild vun den Donnéeën oder senge Quellen ze ginn.

Wann Dir d'Donnéeën transforméiert, iwwersetzt oder ännert, da soll dat kloer erkennbar sinn. Wann dir d'Donnéeë erweidert oder ännert, da consideréiert eng Publikatioun vun den ofgeleeten Donnéeën, ouni awer dobäi gesetzlech Rechtsuspréch ze revendiquéieren oder rechtlech verbindlich Konditiounen fir den Zougrëff oder d'Verwäertung vun den Donnéeën ze imposéieren, idealerweis duerch en Transfert an den ëffentlechen Domaine ("Public Domain") Creative Commons Zero.

Dynamesch Daten

Wann Dir mat Donnéeë vum Lëtzebuerger Staat schafft, da sidd Iech bewosst, datt dës Donnéeën eventuell net statesch sinn. Si änneren deelweis deeglech. De Lëtzebuerger Staat aktualiséiert stänneg seng Donnéeën, fir Feeler ze korrigéieren oder nei an zousätzlich Informatioune bäizefügen. Deemno ass et am beschten wann Dir d'Donnéeë vum Lëtzebuerger Staat iwwert eng API benotzt oder alternativ, wa keng API disponibel ass, iwwert e Link op déi spezifesch Donnéeën. Wann Dir aus techneschen oder anere Grënn dat net kënnt maachen, da gitt e Link op d'Quell vun den Donnéeën um Site vum Lëtzebuerger Staat un, oder baut en Update-Mechanismus an.

Dir notzt d'Donnéeën op eegene Risiko.

All Notzung vun de Metadonnéeën muss sech no de Gesetzer an anere Reglementatiounen, déi an Ärer Juridiktioun gëllen, riichten, besonnesch (awer net ausschliisslech) wat den Dateschutz, Diffamatioun oder Auteursrechter ubelaangt.

Paternité

Dës Richtlinne fir de gebrauch vun Daten sinn inspiréiert vun deene vun der Tate Gallery, der Digital Public Library of America an der Fondation Europeana.

Aktualiséiert