Erklärung zur Accessibilitéit

D'Organ "Informatiouns- a Pressedéngscht" verflicht sech dozou säin Internetsite accessibel ze maachen, konform zum Gesetz vum 28. Mee 2019 iwwert d’Accessibilitéit vu Websäiten a mobillen Appe vun Organer aus dem ëffentleche Secteur. Dës Accessibilitéitserklärung betrëfft: https://elections.public.lu/

Wat ass d'digital Accessibilitéit?

Jidderee muss déi op enger Websäit oder Applikatioun ugewisen Informatiounen einfach ofruffe kënnen, besonnesch Persoune mat enger Behënnerung an/oder déi eng Assistenz-Software oder spezialiséiert Material (blann Persounen, Persoune mat enger Behënnerung un den Aen oder mat engem aneren Handicap) benotzen.

Konformitéitsstatut

Dëse Site ass deelweis konform mat der europäescher Norm EN 301 549 souwéi mam allgemenge Referenzsystem zur Verbesserung vun der Web-Accessibilitéit (RGAA) v4.1, deen dës Norm ëmsetzt, an dat opgrond vun den Elementer, déi heirënner opgelëscht sinn.

Net-accessibele Contenu

De follgende Contenu ass net accessibel aus follgende Grënn:

Net-Konformitéiten

• D'Chamberwale vun 2023 an 2019 weisen e puer spezifesch Lacunnen op: 
  • verschidden Iwwerschrëfte vun den Tabellenzeile sinn net identifizéiert;
  • verschidde Kolonne vun den Tabellen enthalen nëmmen eng Grafik, mee kënnen net identifizéiert ginn.
• Dokumenter sinn net accessibel: 
  • schwaach Faarfkontraster;
  • d'Sprooch vum Dokument ass falsch;
  • Elementer vun der Lëscht sinn net erëmginn;
  • Alternativen zu den ugewisenen Dekoratiounsbiller.
  •  ...
• Et feele vereenzelt Navigatiounstags, besonnesch um Niveau vum Navigatiounspad, op der Aktualitéitssäit am Beräich vun de Filteren an der Säitennummeréierung.
• Verschidde Linke sinn net pertinent.
• D'Aktualitéitssäit an d'Filteren hu keen Titel.
• D'Ënnertitele ginn an de Layout-Tags ugewisen. Dëst dierft awer den Accès zu der Informatioun net blockéieren.
• D'Tabelle hu kee Resumé.
• Verschidde Validitéitsfeeler beim HTML-Code kënnen Assistenz-Technologië stéieren.

Onverhältnesméisseg Belaaschtung

• Verschidde Schnëttstelle weise Lacunnen op, wat d'Benotzung vun Assistenz-Technologien ugeet.
• Op de Säite vun de Gemengen, ass an all Tabellenzeil eng verstoppten Tabell agefüügt. Dës erméiglecht den Zougrëff op d'Nimm vun de Kandidaten an hir jeeweileg Resultater. Dës Tabell weist Accessibilitéitslacunnen op, mee dës Resultater sinn och op de Säite vun all Partei verfügbar.
• Verschidden interaktiv Grafike weise Lacunnen op, d'Linken an den interaktive Kaarte sinn allerdéngs ënnert der Rubrik "Gemengen" oder "Walbezierker" vun all Wal opgefouert.
• D'Resultater ginn oft a Form vun Tabellen duergestallt, woubäi den Titel direkt iwwer der Tabell steet awer net programmatesch mat der Tabell verbonnen ass.

Inhalter, op déi sech d'Gesetz vum 28. Mee 2019 net applizéiert

• Sämtlech interaktiv Kaarten si fräi, esou laang déi wesentlech Informatiounen an accessibeler digitaler Form bereetgestallt ginn. Mir beméien eis se identifizéierbar ze halen an ze préiwen, datt se keng Fal verursaachen. D'Links ënnert den interaktive Kaarte sinn ënnert der Rubrik "Gemengen" fir all Wal opgelëscht, dës Säiten enthalen de Status vun all Resultat an d'Resultater vun all Partei.
• D'Säiten zu de Wale vun 2018 an 2013 weisen zousätzlech Lacunnen op, allerdéngs sinn d'Resultater vun all Partei an all Gemeng och ënner Textform verfügbar. Dës Inhalter ginn als Archiv consideréiert.
• Verschidden Iwwerschrëfte vun den Tabelle sinn net identifizéiert. 
• D'Säiten zu de Wale vu virun 2013 sinn net accessibel, si sinn ënner Form vun engem Bild ouni Alternativ verfügbar. Dës Inhalter ginn als Archiv consideréiert.

Virbereedung vun der folgender Accessibilitéitserklärung

Dës Erklärung gouf de 27. Abrëll 2023 erstallt. D'Angaben an dëser Deklaratioun si korrekt a baséieren op enger effektiver Konformitéitsbewäertung vun dësem Internetsite mat den am RGAA 4.1 fixéierten Ufuerderungen, wéi zum Beispill eng Evaluatioun vun engem Drëtten: "Idéance".

Kontrollprozess

D'Internetsitten, déi nom Prinzip vu Renow erstallt ginn, ginn an engem genereschen zentraliséierte Kader an Architektur entwéckelt, woubäi d'Projektmanagementprozesser befollegt ginn an d'Renow-Kontrolllëscht agehale gëtt. Fir d'Neutralitéit kënnen ze garantéieren, gi reegelméisseg Experten fir d'Accessibilitéit consultéiert, fir d'Konformitéit vun de Sitten oder hire neie Funktionalitéiten z'iwwerpréiwen.

Wärend den Evaluatioune gëtt de Site mat de wichtegste Screen Reader, mat Tablets, Handyen an um PC getest. Dëse gëtt zudeem mat verschiddene Webbrowser getest (Kompatibilitéit mat 2 Virleefer-Versioune vun der aktueller Versioun).

Kompetenze vun de Bedeelegten

D'Aarbechtsprozeduren ëmfaassen d'Applikatioun vun den Internet-Direktive wärend den eenzele Phasen zur Realisatioun vun der Internetsäit. (Redaktioun, Management, Entwécklung).

Eis Mataarbechter hunn dat néidegt Wëssen a Kompetenze fir dës Internet-Direktive korrekt z'applizéieren.

Feedback a Kontakt

Sollt Dir e Problem am Bezuch mat der Accessibilitéit feststellen, biede mir Iech eis eng E-Mail un accessibilite@elections.public.lu ze schécken: beschreift eis de Problem sou wéi déi concernéiert Internetsäit. Mir verflichten eis dozou, Iech bannent engem Mount z'äntweren. Fir de Problem laangfristeg ze léisen, gëtt d'Online-Verbesserung vum Problem a Relatioun mat der Accessibilitéit favoriséiert. Sollt dëst net méiglech sinn, gëtt Iech déi gewënschten Informatioun op Wonsch an engem accessibele Format geschéckt:

Prozeduren zum Sécherstellen vum Anhalen vun den Dispositiounen

Am Fall wou d'Äntwert net zefriddestellend ass, hutt Dir och d'Méiglechkeet den Informatiouns- a Pressedéngscht (Service information et presse), dee fir d'Kontroll vun der Accessibilitéit zoustänneg ass, iwwert den Online-Formulaire fir Reklamatiounen, oder den Ombudsmann, Mediateur vum Groussherzogtum Lëtzebuerg, doriwwer z'informéieren.

 

Dës Erklärung baséiert op deem an der Implementéierungsdecisioun (EU) 2018/1523 definéiertem Virlag-Dokument. Dës Virlag gehéiert der Europäescher Unioun, a steet ënnert enger Creative Commons Attribution 4.0 International Lizenz.